Ամերիկյան Մասաչուսեթս նահանգում Ուոթերթաունի միջին դպրոցի հայկական ակումբն ամեն տարի միջոցներ է հավաքում, որպեսզի բժիշկներ ուղարկի Հայաստանի հեռավոր գյուղեր: Այս տարի նոյեմբերի 17-ին այն կազմակերպել էր կինոցուցադրություն, որպեսզի այդ նպատակով գումար հավաքի: Այդ մասին գրում է «Watertown Patch»-ը:

Վաշինգթոնում ԱՄՆ-ի Դիմանկարների ազգային պատկերասրահում անցկացվում է հայկական ծագմամբ հայտնի կանադացի լուսանկարիչ Յուսուֆ Քարշի աշխատանքների ցուցահանդես, որը կշարունակվի մինչեւ 2014թ.-ի ապրիլի 27-ը: Այդ մասին գրում է «Washington City Paper»-ը:

Հայաստանի ժողովրդական արտիստ Ջիվան Գասպարյանը դեկտեմբերի 19-ին եւ 21-ին Մոսկվայի Էստրադայի թատրոնում հոբելյանական համերգներ կտա՝ Ջիվան Գասպարյան-կրտսերի, Օսիպովի անվան ժողգործիքների նվագախմբի եւ համաշխարհային լեգենդ, քնարահար Անդրեաս Վոլլենվայդերի նվագակցությամբ:

Հանրությունը չէր հասցրել մարսել թուրքական Today's Zaman պարբերականի միջոցով Անկարայի կողմից Հայաստանին նետված տեղեկատվական պրովոկացիոն խայծը ԼՂ-ին հարակից 5 շրջաննները հանձնելու` Երևանի պատրաստակամության և դրա դիմաց հայ-թուրքական սահմանը բացելու հնարավորության մասին, և արդեն արտգործնախարար Ահմեդ Դավութօղլուն կոչ է անում Հայաստանին` թոթափել Թուրքիայի հանդեպ ունեցած անվստահությունը: Թե ի՞նչը հիմք ընդունելով`  Հայաստանը պետք է վստահի Թուրքիային, Դավութօղլուն, իհարկե, մոռացել է պարզաբանել: Նա, թերևս, ...

Թուրքիայի արտգործնախարարի երեւանյան այցելության առիթով եւ դրա ընթացքում` շրջանառության մեջ դրվեցին  տարբեր «տեղեկություններ»։ Հիմնականում բոլորի աղբյուրը թուրքական ԶԼՄ-ներն էին։ Փաստորեն, շրջանառությունը ընթանում էր հետևյալ կերպ. Անկարայի համապատասխան գերատեսչությունները ընտրում էին թեման, տրվում էր պատվեր ընտրված թեմայի արձագանքման համար. անպաշտոն խոսափողները տալիս էին լրատվության մեկնարկի ազդանշանը եւ սկզբում թուրքական լրատվադաշտը հեղեղվում էր թիրախային  նշանակետ ճշտած լրատվություններով։ Նույնքան ...

Թուրքիայում գտնվող հունական հին գյուղում՝ Շիրինջեում, ապօրինի շինարարություն կատարելու համար մեղադրվող հայազգի լեզվաբան Սևան Նիշանյանը դատապարտվել է 2 տարվա ազատազրկման: Հրապարակախոս Սարգիս Հացպանյանի խոսքով` Նշանյանին դատապարտել են 2015-ին` Հայոց ցեղասպանության 100-ամյա տարելիցին ընդառաջ, և որ դա նրան առաջադրված հերթական շինծու մեղադրանքն է:

Հունվարի 27-ին՝ ժամը 19.00, Երեւանի «Արամ Խաչատրյան» համերգասրահում տեղի կունենա հայտնի հայազգի սովետական կոմպոզիտոր Միքայել Թարիվերդիեւին նվիրված համերգ: Երեկոյի ընթացքում Հայաստանի պետական Երիտասարդական նվագախմբի կատարմամբ կհնչեն մեծանուն կոմպոզիտորի Ջութակի կոնցերտը և կոմպոզիտորի՝ հայտնի և սիրված կինոնկարների համար գրված մեղեդիները։

Թուրքիայի նախագահ Աբդուլլահ Գյուլը զանգահարել է օրեր առաջ հիվանդանոց տեղափոխված ստամբուլահայ հայտնի լուսանկարիչ Արա Գյուլերին եւ առողջություն մաղթել:

«Հայաստան» համահայկական հիմնադրամի 16-րդ հեռուստամարաթոնի ժամանակ  արձանագրվել է 22 միլիոն 661 հազար 372 դոլար նվիրատվություն եւ նվիրատվության խոստում:

Ամերիկյան Մասաչուսեթս նահանգի Ուոթերթաուն քաղաքում տեղակայված Հայկական գրադարանն ու Ամերիկայի թանգարանը վերանվանվել են ու այսուհետ կկոչվեն Ամերիկային հայկական թանգարան` ի նշան  որպես խոշոր թանգարանի դրա կարգավիճակի ճանաչման: Այդ մասին գրում է «Wicked Local Watertown»-ը:

Փարիզ այցելած Ամենայն Հայոց կաթողիկոս Գարեգին II-ը Հայ առաքելական եկեղեցու ֆրանսիական թեմի՝ հրաժարական ներկայացրած առաջնորդ Նորվան Զաքարյանի հետ իր հարաբերություններն «հայրական» է անվանել հայ-ֆրանսիական «Nouvelles d’Arménie» թերթին տված բացառիկ հարցազրույցում:

Ապրիլի 24-ին Նիդերլանդների Ասեն քաղաքում, Հայոց ցեղասպանության 98-րդ տարելիցի կապակցությամբ, տեղի ունեցավ հիշատակի միջոցառում, որը կազմակերպել էր Հոլանդահայ կազմակերպությունների ֆեդերացիայի «Ապրիլ 24» կոմիտեն:

Փետրվարի 21-ին Սոչիում կայանալու է Open Europe մրցույթի Գրան Պրիին արժանացած ճանաչված ջութակահար Էդգար Հակոբյանի մենահամերգը: Այն տեղի է ունենալու մշակութային օլիմպիադայի շրջանակում:

«Ընդառաջ Աստուծո, ընդառաջ սիրո» կարգախոսով մի շարք միջոցառումներ կանցկացվեն փետրվարի 4-14–ը Երևանում` Տեառնընդառաջի տոնի նախաշեմին, հայտնեց Սուրբ Գրիգոր Լուսավորիչ Մայր Եկեղեցու «Հավատամք» հոգևոր կենտրոնի հոգևոր հովիվ Տեր Հակոբ քահանա Խաչատրյանը։

Լվովի քաղխորհրդում «Սվոբոդա» խմբակցությունը առաջարկում է «քաղաքի պատվավոր քաղաքացու» կոչում շնորհել ուկրաինացի հինգ հայրենասերների՝ հայ Սերգեյ Նիգոյանին, բելառուս Միխայիլ Ժիզնեւսկիին, լվովցի Յուի Վերբիցկիին ու տվյալ պահին չնշվող եւս երկու հերոսների: ԱՅս մասին հայտարարել է ազգայնականների խմբակցության ղեկավարի տեղակալ Լյուբոմիր Մելնիչուկը, փոխանցում է ՈՒՆՆ-ը: